السلام عليكم ورحمة الله وبركاته
بسم الله الرحمن الرحيم
طيب وكريم ،، بار بوالديه (( طالع بوسه ع الراس وداخل بوسه ع الراس ))
يصوم رمضان .. كلن يمدح فيه ،،، بس مايصلي
طـــوط طــوط وانقطع الخط
يحبها وتحبه ،، قال لها أحبك قالت له وانا بعد يا عمري
قال لها ماابغي غيرك .. قالت له وانا بعد يا نظر عيني
سهروا الليل .. وخلصوا كلام الحب ،،آخرتها تزوج غيرها
طـــوط طــوط وانقطع الخط
أم حنونه ،، استحملت ولدها/بنتها لمدة تسع أشهر بس
وبعد التسع أشهر ،،، الله يخلي ميري !!
طـــوط طــوط وانقطع الخط
حريم بمجلس ،، مادريتي أم فلان تزوج عليها رجلها !!
مادريتي فلانه متهاوشه مع فلانه !! مادريتي فلان طلق فلانه !!
مادريتي .. الخ ،،، ولما يسألونها عن نفسها تقول السموحه
انا بروح بو العيال ينتظرني فالبيت
طـــوط طــوط وانقطع الخط
أم ضحت ،، طلقها رجلها وهي بعز شبابها !! رفضت كل الخاطبين
من بعده حتى تكرس جهدها و حياتها لأبنائها !!
ضحت .. ربت .. تعبت ،، وآخرتها ماكان جزاها الا النكران منهم !!
طـــوط طــوط وانقطع الخط
عاشق ترقيم ،، شاف بنت لحقها ورقمها !!
رجع بعد كم يوم شاف بنت احلى و رجع رقم !! وبعد ثانيه رجع شاف بنت مش حلوه بس صار بخاطره يرقمها ..
مره من المرات رقم اخته واحد من الشباب ،،،
فما كان منه الا ان ( يدبغه ) دبغةٍ سنعه وهو يقول
ماتستحي يا (,,,,,,,,,,,,,,) و يا (,,,,,,,,,,,,,,) ويا (,,,,,,,,,,,,,,) ويا (,,,,,,,,,,,,,,) ويا (,,,,,,,,,,,,,,) ترقم !!!!!!!
طـــوط طــوط وانقطع الخط
تكتب لو تنقل موضوع وتتعب عليه
وتقول الاعضاء مو مقصرين في الردود
وفي النهايه الردود احد او ثنين
طـــوط طــوط وانقطع الخط
كثيره هي الخطوط المقطوعه ،،،
ولكن برايكم ماهي اسباب قطع تلك الخطوط .. تعتقدون ان الارسال ضعيف !!..